Beiträge

Veröffentlicht am
Wat ass geschitt:
Am Accord salarial vum Dezember 2022 sinn sech déi deemoleg Regierung an d’CGFP eens ginn de Bewäertungssystem an der ganzer Fonction Publique of ze schafen.
Duerno huet déi deemoleg Regierung, dunn e Gesetztext op de Wee bruecht, fir ënnert engem aneren Numm erëm e Bewäertungssystem bei der Arméi an ze féieren. Als Argument heivir gëtt ëmmer nees d’Spezifizitéit vun der Arméi opgefouert.
Dëst kënne weder eng CGFP nach mir als SNPPL ziele loossen, well nieft enger Arméi och de CGDIS, grad wéi d’Police a sëllegen aner Administratioune ganz „spezifesch” sinn.
Firwat protestéiere mir elo:
Leider si sämtlech Léisungsvirschléi säitens der CGFP bei der Regierung op Daf Ouere gestouss.
Och konnte weder eng Mediatioun nach eng Conciliatioun am Kader vun engem Litige fonnt ginn.
Also bleift eis soss näischt wéi op Konfrontatioun ze goen a souwuel juristesch wéi gewerkschaftlech Mesuren zehuelen.
Geet et also just em d’Bewäertung bei derArméi?
Nee, de lëtzebuerger Modell berout dorops,dass d’Sozialpartner mateneen Accorden aushandelen, an dës duerno och ëmsetzen.
Dëse Model ass bei eis am Land zanterlaange Joren de Garant fir de soziale Fridden, wa lo eenzel Partner ufänken sech net méi un dat ze hale wat festgehale gouf, steet d’Vertrauen an dëse Modell um Spill.
Sinn och mir heivu betraff?
Jo, souwéi mir als Etablissement Publique ëmmer vun deenen Acquise profitéieren déi d’CGFP an all Accord salarial aushandelt, waarde mir och nach op eng ganz Rëtsch Mesuren déi bis elo“nëmmen“ an dësen Accorde festgehal si wéi z.B.:

Eenheetlech Reegelung iwwert den Teletravail  
Accord salarial vum 4. Mäerz 2021

Gesetziwwert d’Aarbechtszäitreegelung  mat 5 supplementären Congésdeeg fir déi Leit déi Schichte schaffen.  
Accord vum 21. Januar 2020

Preretraite mat 57 fir déi Leit déi no 1999 ugefaangen hunn an 20 Joer Schicht geschafft hunn.
Accord salarial vum 4.Mäerz 2021

Harmonisatiounvun de Carrière Inférieures retroaktiv op den.Juli 2022
Accord salarial vum 04. Mäerz 2021
En Accord den ausgehandelt ass muss agehale ginn!Duerfir wäert den SNPPL e Méinde fest hannert der CGFP stoen, a mir appelléieren un all eenzelen eis heibäi ze ënnerstëtzen.
Veröffentlicht am

CSU 112

Den 02.Februar hu mir eis mat der DCO gesinn fir iwwert d’Situatioun an d’Zukunft um CSU, sou wéi iwwert d’Verbesseren vun Asaatzkommunikatioun ze schwätzen.

Hei waren nieft dem Direkter CO déi Responsabel vum CSU derbäi. Fir den SNPPL waren de Jill , de Mike , d‘Malvina an de Bob present.

„CSU 112“ weiterlesen

Veröffentlicht am

Mir wënschen Iech deen beschten Start an dat néit Joer

En neit Joer huet ugefaangen an an eisem éischte Feiermelder géinge mir en Ausbléck op d’Joer 2023 woen. Mir profitéieren awer och Iech um Courant ze halen wat mir virun de Feierdeeg geschafft hunn.

Mir feieren dëst Joer 5 Joer SNPPL an dëst ass nëmmen duerch är Ënnerstëtzung méiglech, heifir soe mir Iech e grousse Merci. Et wäert fir eis awer vir op en aarbechtsräicht Joer ginn,well och fënnef Joer no der Grënnung vum CGDIS nach laang net alles an dréchenen Dicher ass.

„Mir wënschen Iech deen beschten Start an dat néit Joer“ weiterlesen
Veröffentlicht am

Feiermelder 2022/03

Kuerz virun der Summervakanz hu mir eis fir e reegelméissegen Austausch mat dem Comité Directeur gesinn den Ordre du Jour wor nawell gutt gefëllt, hei géinge mir gären verschidde Punkten méi genee beliichten.

Eng vun eisen Haaptsuergen ass am Moment de Recrutement, och mat méi engem einfache Sportstest konnt een hei kee grousse Succès verbuchen, an d’Konkurrenz am Secteur ass momentan grouss.
Dofir ass et enorm wichteg den Job vum Beruffspompjee attraktiv ze halen!

An dem Zesummenhang hu mir och nach emol widderholl, dass et fir eis eng Selbstverständlechkeet ass, dass de Pompjee déi Zäit an der hie sech op säin Déngscht virbereet, als Aarbechtszäit unerkannt kritt, dëst ass duerch international Urteeler confirméiert an gëtt och an anere Verwaltungen sou ëmgesat.

„Feiermelder 2022/03“ weiterlesen
Veröffentlicht am

Feiermelder 2022/02

An de leschten Wochen hate mir gläich zwou Reuniounen bei deenen d’Gesondheet an d’Wuelbefannen vun eise Kolleegen am Mëttelpunkt steet

Eng Delegatioun hat sech  mam neien Directeur médical, dem Dr. Pierrard getraff.

Haaptthema vun dëser Reunioun war de Médico.

Méi konkret hu mir gefuerdert, dass:

  • d’Käschten fir zousätzlech Ënnersichungen déi vum Médico gefrot ginn solle vum CGDIS iwwerholl ginn.
  • de Médico soll sou opgestallt ginn, dass en do ass fir de Gesondheetszoustand vun den Agenten ze kontrolléieren, a kee verstoppten Leeschtungstest soll duerstellen.
  • eng ganz Rei Inkoherenzen tëschent de verschiddene Statuten mussen an Ugrëff geholl ginn.
Et war een flotten an oppenen Austausch, an dem et och drëm gaangen ass wéi de Service an Zukunft kann weider opgestallt ginn, fir och den Suivi vun den Agente besser ze encadréieren.
 
Och hei sinn déi nächst Reuniounen scho festgeluecht a sou bal et hei konkret Resultater gëtt hale mir Iech um Lafenden.

Mir hunn eis mat dem Service Developpement RH vun der Ressource humaine getraff. Ganz kloer stoung hei de mënschlechen Volet am Mëttelpunkt vun der Entrevue.

Wou vill Léit sinn an wou vill geschafft gëtt, do sinn sozial Konflikter an Ermiddung op der Aarbechtsplaz duerchaus onvermeidlech.
Mir hunn no Weeër gefrot eis Léit besser ze ënnerstëtzen an och gekuckt wou een eng konstruktiv Zesummenaarbecht kann obbauen fir dat keen am System verluer geet oder op der Streck bléift.
Eis ass alleguer kloer dat den Alldag op enger Aarbechtsplaz belaaschtend kann sinn, dëst dierf awer weder kuerz- nach laangfristeg op d’Käschten vun de Leit hirer Gesondheet goen. Duerfir ass et wichteg an Zukunft preventiv virzegoen dass d’Leit op laang Siicht Freed un hirer Aarbecht hunn, well just esou kann eng gutt Qualitéit um Terrain eraus kommen.
Mir waren frou iwwert déi oppen Aart a Weis an eisen Reuniounen an mir freeën eis op eng konstruktiv Zesummenaarbecht am Interêt vun allen Acteuren.

Veröffentlicht am

Gutt preparéiert …

Mir sinn iwwerzeegt dovun, dass d’Leit déi an en Examen ginn och d’Recht hunn richteg heirobber preparéiert ze ginn. Duerfir fuerdere mir zanter iwwer zwee Joer, dass virum Promotiounsexamen resp. virum Ustellungsexamen en Legislatiounscours ofgehale gëtt.
 
Wärend fir d’Promotiounsexamen elo op eisen Drock hin emol en Informatiounsdag organiséiert gouf, huet sech beim Ustellungsexamen nach net vill gedoen, sou dass mir hei weider wäerten nohaken.
 
Mir géingen dann och gären dene Leit Bonne Chance wënschen déi dës Woch hir Examen schreiwen. Mir erënneren d‘Leit, dass si 16 Stonnen Congé de Préparation ze gutt hunn.

Veröffentlicht am

Feiermelder 2021/02

Säit der Grënnung vum CGDIS huet den SNPPL drop higewisen, dass et weider Dérogatiounen am sougenannten CGDIS-Gesetz brauch fir jidderengem am Cadre de Base e fairen Accès op d‘Carrière Ouverte ze erméiglechen. Haut schéngt et dann esou wäit, dass et mat Ausnam vun der Voie Expresse fir keen Beruffspompjee am CGDIS eng Méiglechkeet gëtt e Changement de Groupe de Traitement duerchzeféieren.

Fir eng séier Léisung fir dës an eisen Aen absurd Situatioun ze fannen sti mir momentan am Kontakt mat der Fonction Publique an eiser Direktioun.

Leider konnt bis elo nach keen eis eng zefriddestellend Äntwert ginn, dëst wäerte mir net esou einfach hinhuelen. Mir wäerten mat der Ënnerstëtzung vun der FGEC an der CGFP  um Ball bleiwen fir e bësse Luucht an dës administrativ Ofgrënn ze bréngen.

Eng urgent a konsequent Upassung vun de Gesetztexter erschéngt onëmgänglech, a mir wäerten och hei eis Fuerderungen kloer zum Ausdrock bréngen, fir dass et net nach eng Kéier zu esou enger Situatioun wäert kommen.

Veröffentlicht am

Communiqué de presse du 25. Avril 2021

SNPPL kritiséiert Syvicol-Aussoen iwwert de Käschtepunkt vun de CGDIS-Servicer

D’Sécherheet vun de Bierger huet hire Präis

Knapp e Joer nodeems mir op de Balconen stoungen an duerch Applaus eis
Solidaritéit mat deene Leit, déi hir Aarbecht ënnert schwierege Konditiounen maachen mussen, ausgedréckt hunn, schéngt vun dëser Solidaritéit an dem Wëllen essentiell Servicer verstäerkt ze sécheren, net méi vill iwwreg ze bleiwen.

„Communiqué de presse du 25. Avril 2021“ weiterlesen